"Brest" klubi hujumchi Islom Slimani bilan shartnoma imzolaganini e’lon qildi. 34 yoshli jazoirlik futbolchi yangilash imkoniyati bilan bir yillik shartnoma imzoladi. U yangi jamoada 13-raqamda maydonga tushadi.
"Men murabbiy bilan gaplashdim va uning ishonchini his qildim. Bu - futboldagi eng muhim narsa", - deydi Slimani.
O‘tgan mavsumda Slimani "Lion"da o‘ynab, 12 uchrashuvda 1 ta gol urdi, keyin esa Lissabonning "Sporting"iga o‘tdi va u yerda 9 uchrashuvda 4 ta gol urdi.