2021 yil 27 avgust kuni “Manchester Yunayted” Tvitterda Krishtianu Ronaldu o‘n yildan ko‘proq vaqtdan keyin “Old Trafford”ga qaytishini e’lon qildi. Postga 820 mingdan ortiq retvit va 1,9 million layk bosildi. Ertasi kuni "iblislar" TeamViewer titul homiysi platformasida ser Aleks Fergyuson bilan ta’sirli intervyu paydo bo‘ldi. "Yunayted"ning sobiq bosh murabbiyi 2003 yilda portugaliyalikni "Manchester Yunayted"ga qanday olib kelganini aytdi.
Klub do‘konida "ONCE A RED" yozuvi bilan C va R xarflari boshqacharoq rangda yozilgan maxsus forma paydo bo‘ldi. Ushbu formani klubning rasmiy do‘konida 8 funtga sotib olish mumkin edi. Ammo hozir hammasi boshqacha – 25 iyundan beri klubning Tvitteri Ronalduni bir marta bo‘lsa ham tilga olmadi, u klub rahbariyatiga Yevropa ligasida o‘ynashni istamasligini aniq tushuntirdi.
Ronaldu nafaqat “Yuventus”ni, balki A Seriyaning boshqa klublarini ham boyitganini bilasizmi?
Hujumchining “Yuventus”dan transferi “iblislar”ga atigi 12,9 million funtga tushdi, biroq besh karra “Oltin to‘p” sohibi Premyer-ligadagi eng katta maoshni, haftasiga 515 ming funtni oldi. Turli bonuslar bilan birga yulduz klubda yiliga 30 million funt sterling oladi. Ya’ni, agar portugaliyalik "2+1" sxemasi bo‘yicha tuzilgan shartnomani to‘liq bajarsa, u 90 million funt ishlab topadi.
Krish effekti u kelgan har qanday klubning daromadiga foydali ta’sir ko‘rsatdi. “Yuventus”ning tijorat daromadi 2017/2018 yilgi mavsumda 123 million funtdan 2019/2020 yilgi mavsumda 150 million funtga ko‘tarildi. Krishtianu bilan A Seriya Chempionlar Ligasida qatnashgan vaqtida ularning Adidas liboslari shartnomasi 19,8 million funtdan 43,8 million funtga o‘sdi va Jeep homiyligi 14,5 million funtdan 39 million funtga ko‘tarildi. “Agar menda Ronalduni sotib olish uchun yana bir imkoniyat bo‘lsa, men buni qabul qilardim ”, deb tan oldi Turin klubi rahbari Andrea Anelli La Republica nashriga bergan intervyusida.
Ronalduning Italiyaga o‘tishidan nafaqat "Yuve" foyda ko‘rdi. Anellining ma’lum qilishicha, A Seriyaning boshqa klublari Ronalduning o‘yinlaridan qo‘shimcha 3 million funt sterling chiptalardan daromad olishgan. “Krishtianu o‘zi o‘ynagan klublarning tijorat daromadlariga katta ta’sir ko‘rsatdi. Pandemiya bo‘lmaganida, "Yuventus"ning daromadi barcha kutilganidan ham oshib ketgan bo‘lar edi", - deydi Andrea Sartori.
Krishtianuning ijtimoiy tarmoqlari “MYU”ga yiliga 30 million funt ishlab topishga yordam beradi
"Manchester Yunayted"ning so‘nggi global moliyaviy hisobotida asosiy e’tibor 2020/2021 yilgi mavsumga qaratilgan va Ronalduning klubning umumiy daromadiga ta’siri hisobga olinmagan. Biroq, har chorakda e’lon qilinadigan xabarlar Ronalduning kelishidan "iblislar"ga aniq foyda keltirganini ko‘rsatmoqda. Yalpi daromad o‘tgan yilning shu davridagi 118,3 million funt sterlingdan 2022 yilning birinchi uch oyida 152,8 million funt sterlingga ko‘tarildi. Xuddi shu chorakdagi tijorat daromadi o‘tgan yil oxiridagi 58,1 million funt sterlingdan 65,6 million funtga ko‘tarildi.
Ijtimoiy tarmoqlarda Ronalduning kelishi haqidagi e’lon "Manchester Yunayted"ga bir necha soat ichida Instagramdagi obunachilar sonini 43,1 milliondan 44,3 millionga oshirishga yordam berdi. Hozir bu ko‘rsatkich 59,9 million kishini tashkil etadi. Tvitterdagi o‘sish 5 milliondan ortiq kishini tashkil etdi. Kontekstga kelsak, Krishning "Yuventus"ga kelishi uning ijtimoiy tarmoqlardagi kuzatuvlarini 50 milliondan 110 millionga oshirishga yordam berdi. Portugaliyalik har safar u yoki bu tarzda "Manchester Yunayted" bilan bog‘liq rasmni nashr qilganda, uni yarim milliardga yaqin odam ko‘radi. The Athletic xabariga ko‘ra, bu klubga yiliga 30 million funt sterlingga yaqin daromad keltiradi.
Ijtimoiy tarmoqlarning ta’siridan tashqari, Ronalduning maydondagi o‘yini ham yaxshi holatda bo‘ldi. Tanqidchilar qancha ko‘p gapirmasin, u o‘tgan mavsumni 24 ta gol bilan "iblislar"ning eng yaxshi to‘purari sifatida yakunladi. Hujumchi Premyer-ligada 18 ta, Chempionlar ligasida esa 6 ta gol urgan. Agar Krish ketsa, Erik ten Xag uchun bunday ijrochining o‘rnini qoplash muammoli bo‘ladi.
Ronaldu "Yunayted" infratuzilmasini yaxshilash va yangi homiylarni jalb qilishda ham muhim rol o‘ynaydi. Yulduz Karringtondagi klub bazasining og‘ir ahvolidan hayratda qoldi va klub egalarini modernizasiya qilish uchun 2 million funt sterling ajratishga ishontirdi. O‘tgan yil davomida bazada yangi binolar, ofislar qurildi, sport zali obodonlashtirildi, avtoturargoh kengaytirilib, yana bir basseyn qo‘shildi. Yangilanish, shuningdek, yoga va o‘qish uchun sog‘lomlashtirish markazini ham o‘z ichiga oladi.
"Yunayted" Krish tufayli yangi titul homiy topdi
2021 yilning yozida “Manchester Yunayted”ning 8 yil davomida “iblislar”ning titul homiysi bo‘lgan va klub mashg‘ulotlar majmuasiga o‘z logotipini joylashtirish huquqiga ega bo‘lgan AON sug‘urta kompaniyasi bilan shartnomasi tugadi. Mankunianliklar Manchesterda joylashgan The Hut Group bilan muzokara olib borishgan.
Ronaldu mashg‘ulot majmuasini ta’mirlash kechikayotgani ma’lum bo‘lgach, 2022 yilning fevralida klubga yangi mashg‘ulot uchun homiyni jalb qilishga muvaffaq bo‘ldi. Bu Tezos blokcheyn tarmog‘i edi, u yiliga 20 million funt sterlingga shartnoma tuzdi (shartnoma shartlari oshkor etilmadi).
Hozirda “Manchester Yunayted”ning 22 ta global, 13 ta moliyaviy, 3 ta mintaqaviy va 9 ta media homiysi, jumladan, o‘zining MUTV telekanali ham bor. Bu kelishuvlar “Iblislar”ga yiliga 150 million funt sterling olib keladi va ko‘pchilik homiylar "Yunayted"dan Krishni saqlab qolish uchun hamma narsani qilishni so‘rashadi. Klub, muxlislar, homiylar va portugaliyalikning o‘zi uchun (37 yoshida bunday shartnomani yana qayerdan oladi?) bu ajoyib variant bo‘ladi. Qolaversa, hech kim Yevropa ligasida qatnashib, o‘lib qolgani yo‘q.
