"Valensiya" yarim himoyachisi Karlos Soler tez orada "PSJ"ga o‘tadi.

L'Equipe xabariga ko‘ra, fransuz klubi 25 yoshli ispaniyalikning transferi bo‘yicha kelishib olgan. Ushbu transfer parijliklarga 15 million yevroga tushadi.

Soler butun faoliyatini "Valensiya"da o‘tkazgan. Transfermarkt portali futbolchini 50 million yevroga baholamoqda.

Soler o‘tgan mavsumda barcha musobaqalarda 38 ta o‘yinda 12 ta gol urdi va 5 ta golli uzatmani amalga oshirdi. Joriy mavsumda u La Liganing 3 ta uchrashuvida 1 ta gol urdi.