Yevropada yozgi transferlar oynasi 1 sentyabr, payshanba kuni yopiladi, "Manchester Yunayted" bozorda biroz shov-shuv ko‘tarishni rejalashtirayotgan ko‘rinadi. Qolgan to‘rt kun ichida "qizil iblislar" ikki futbolchi bilan xayrlashishi, shuningdek, ikkita yangi futbolchi bilan shartnoma imzolashi mumkin.
Antonini sotib olish
100 million yevroga 22 yoshli futbolchini sotib olish, bu katta tavakkal deganidir. Niderlandiya futboli tarixida Antoni eng katta xaridga aylangan braziliyalik futbolchi bo‘ldi. U 2020 yilda Yevropaga yo‘l olgandi. Antoni uchun "Manchester Siti" hamda "Everton" o‘sha paytda kuchli qiziqish bildirgan. Ammo u "Ayaks"ni tanlaydi. Bugun esa u o‘z ustozi Erik ten Xag hamda jamoadoshi Lisandro Martinesning oldiga yo‘l oldi. Umuman olganda, bu yozdagi transfer "Ayaks" uchun ajoyib kechdi. Klub bir nechta futbolchisini jami 193 million funtga sotdi. Birgina "MYU"ning o‘zi ularga Martines hamda Antoni uchun 140 million funt to‘lab berdi.
Krishtianu Ronalduning ketishi
Krishtianu Ronalduning agenti Xorxe Mendesh mijozi uchun yangi klub izlamoqchi. Ten Xag portugaliyalikni qo‘yib yuborishga tayyor ko‘rinadi, shuning uchun Krishtianu transfer oynasi yopilguncha Manchesterni tark etishi mumkin.
Yarim himoyada kutilmagan yuksalish
Ayrim ma’lumotlarga ko‘ra, Kazemiro xarid qilinganidan so‘ng "qizil iblislar" yarim himoya chizig‘ini yanada kuchaytirmoqchi. Frenki de Yong bilan kelishuv amalga oshmasa kerak, ammo "Yunayted" hali ham yangi yarim himoyachi qidirmoqda.
Van-Bissakaning "Kristal Pelas"ga qaytishi
Diogo Dalot o‘zini Ten Xagning eng yaxshi o‘ng qanot himoyachisi sifatida ko‘rsatdi, Aaron Van-Bissaka esa bu mavsumda maydonda atigi 4 daqiqa o‘ynadi. Bunday uyg‘unlik yuqori ambisiyali futbolchiga mos kelishi dargumon. O‘yin vaqtini qidirib, Aaron "Kristal Pelas"ga qaytishi mumkin, ehtimol bunday transfer Van-Bisaka uchun faoliyatini davom ettirish uchun eng yaxshi variant bo‘ladi.
