O‘zbekiston U18 terma jamoasi kecha Chernogoriya U18 jamoaciga qarshi o‘rtoqlik o‘yinida ishtirok etdi. Chernogoriyada bo‘lib o‘tgan mazkur bahsda Rauf Inileev shogirdlari 3:1 hisobida g‘alaba qozonishdi.

Vakillarimizning 2ta goliga Saidumarxon Saidnurullayev mualliflik qilgan bo‘lsa, yana bir gol Murod Komilov hisobiga yozildi. Raqiblar esa yagona javob to‘pini penaltidan kiritishdi. Barcha gollar birinchi bo‘limda urildi.

O‘zbekiston U18 terma jamoasi Chernogoriyaga qarshi yana bir bahsni 1 sentyabr kuni o‘tkazadi va shundan so‘ng Vengriyaga ko‘chib o‘tadi. Jamoamiz 6 va 8 sentyabr kunlari ushbu yurt yoshlar jamoasiga qarshi o‘rtoqlik o‘yinlarini o‘tkazadi.

O‘rtoqlik o‘yini.
Chernogoriya U18- O‘zbekiston U18 - 1:3 (1:3)
Gollar: Saidumarxon Saidnurullayev 12ʼ, 41ʼ, Murod Komilov 14ʼ, Nenad Krivokavich (p) 34ʼ.
O‘zbekiston: Umar Rustamov, Abdullo Omonaliyev (Meyirbek Rajabaliyev 86), Muhamadali Zohidov, Ravshan Hayrullayev, Abduazim Ortiqov (Shahzod Imamov 46), Saidumar Saidnuruallayev, Murod Komilov, Ro‘zimboy Fayzullayev (Abubakir Rajabboyev 84), Abdug‘ofur Haydarov (Alisher Mo‘minov 60), Narimonjon Ahmadjonov, Nurlan Ibragimov.

1-sentyabr
Chernogoriya — O‘zbekiston

6-sentyabr
Vengriya — O‘zbekiston

8-sentyabr
Vengriya — O‘zbekiston