Artur "Yuventus"dan "Liverpul"ga o‘tganidan keyin o‘z fikrlari bilan o‘rtoqlashdi.

Yarim himoyachi transfer oynasining so‘nggi kunida sotib olish opsiyasi bilan Yurgen Klopp jamoasiga ijara asosida o‘tdi.

“Men bu yerda bo‘lganimdan va jahon futboli uchun juda muhim bo‘lgan shunday logotipga ega ajoyib formani kiyganimdan juda xursandman. Bu tush.

- Kelajagingiz haqida ko‘p gapirildi. Nega "Liverpul"ga o‘tdingiz?

- Ko‘p gaplashdik, fikr va qarashlarimiz bir-biriga to‘g‘ri keldi. Ishonchim komilki, bu to‘g‘ri tanlov bo‘lgan. Men juda xursandman va g‘ayratliman. Maydonda orzularimni ro‘yobga chiqarishda davom etmoqchiman. "Liverpul"da o‘ynaganimda borimni beraman.

- Ilgari katta klublarda o‘ynagansiz, endi yana top-klubga o‘tdingiz. Hozir sizni nima ilhomlantiradi?

- “Liverpul”ning ajoyib tarixi bor. “Liverpul”ga qarshi o‘ynaganman. Men bu stadion maydoniga kirish qanday ekanligini bilaman. O‘shanda men "Liverpul" jamoasiga qarshi o‘ynagan raqib tarkibida o‘ynaganman, ammo hozir "Liverpul" takibidaman, shuning uchun men juda hayajondaman. Bu ajoyib murabbiy va ajoyib futbolchilarga ega top-klub. Yuqorida aytganimdek, bu yerda bo‘lish - bu orzu.

- Premyer-liga o‘zingizga mos keladi deb o‘ylaganmisiz?

- Men har doim o‘zimni ingliz klubida sinab ko‘rishni xohlaganman. Menimcha, Premyer-liga dunyoning eng yaxshi ligasi. Men doim shu yerda o‘ynashni xohlaganman”, - dedi Artur.