«Arsenal»ning g‘alabalarini kamsitmagan holda, shuni aytish mumkinki, bugungi o‘yin jamoa uchun ilk haqiqiy sinov bo‘ladi.

Birinchidan. Taqvim «Arsenal» uchun qulay edi. «Fulhem» va «Bornmut» - liga debyutantlari. «Lester» va «Aston Villa» - eng yomon start olgan va murabbiyi iste’fo yoqasida turgan  jamoalar. «Kristal Pelas»da muammo yo‘q, lekin Viyeyra ham 1-turda «Arsenal» uchun eng qulay taktika bilan maydonga tushgandi.

Ikkinchidan. Katta ehtimol bilan «Manchester Yunayted» bugungi o‘yinga «Liverpul» bilan o‘yindagi kabi taktika va reja bilan o‘ynaydi. Raqib pressingini uzun paslar bilan kesish, tezkor hujumlar, maydon markazida o‘ta faol bosim. Aynan shu uslub «Arsenal» uchun ham noqulay sharoit tug‘diradi.

Uchinchidan. «Arsenal» tarkibida muammolar bor. Zinchenko, Edegor, Ramsdeyllarning maydonga tushishi so‘roq ostida, Parti o‘ynamaydi. Ya’ni Arteta eng qiyin sinovga ichki muammolar bilan ham yetib kelmoqda - bunday shartlarda u shogirdlarini qanday tayyorlay olishi hamma uchun qiziq.

Qahramon Aslanov.