Madridning “Real” klubi hujumchisi Karim Benzema ijtimoiy tarmoqdagi sahifalarini o‘chirib tashladi.

Endi forvard Instagram va Twitter foydalanuvchisi emas. Buni futbolchining sahifalaridagi ma’lumotlar tasdiqlaydi. Ilgari Karim ijtimoiy tarmoqlardagi sahifalardan qutulish niyatini bildirmagan edi.

Eslatib o‘tamiz, Benzema joriy mavsumda barcha turnirlar doirasidagi to‘rtta o‘yinda maydonga tushib, to‘rtta gol urdi va bitta golli uzatmani amalga oshirdi. Uning "qaymoqranglilar" bilan shartnomasi 2023 yilning 30 iyuniga qadar mo‘ljallangan bo‘lib, transfer narxi 30 million yevroga baholanmoqda.

Benzema yaqinda La Liga tarixidagi eng yaxshi to‘purarlar ro‘yxatida yettinchi o‘ringa ko‘tarilib oldi.