Мадриднинг “Реал” клуби ҳужумчиси Карим Бензема ижтимоий тармоқдаги саҳифаларини ўчириб ташлади.

Энди форвард Instagram ва Twitter фойдаланувчиси эмас. Буни футболчининг саҳифаларидаги маълумотлар тасдиқлайди. Илгари Карим ижтимоий тармоқлардаги саҳифалардан қутулиш ниятини билдирмаган эди.

Эслатиб ўтамиз, Бензема жорий мавсумда барча турнирлар доирасидаги тўртта ўйинда майдонга тушиб, тўртта гол урди ва битта голли узатмани амалга оширди. Унинг "қаймоқранглилар" билан шартномаси 2023 йилнинг 30 июнига қадар мўлжалланган бўлиб, трансфер нархи 30 миллион еврога баҳоланмоқда.

Бензема яқинда Ла Лига тарихидаги энг яхши тўпурарлар рўйхатида еттинчи ўринга кўтарилиб олди.