"Leypsig" himoyachisi Yoshko Gvardiol 2023 yilning yozida jamoani tark etishi mumkin. Avvalroq, nemis klubi “Chelsi”ning 90 million yevrolik taklifini rad etgandi, chunki bir yildan so‘ng ko‘plab klublar, jumladan, “Manchester Siti” ham futbolchini sotib olishga qo‘shiladi, deb hisoblagandi. Bu haqda jurnalist Fabrisio Romano tvitterda xabar berdi.
Gvardiol 2021 yilning yozidan beri "Leypsig"da to‘p tepadi. U jamoa safida 53 ta o‘yin o‘tkazib, 2 ta gol urdi va 4 ta golli uzatmani amalga oshirdi. Himoyachi Xorvatiya terma jamoasidagi debyutini 2021 yilning iyun oyida o‘tkazgan va o‘sha yozda Yevropa chempionatining to‘rtta o‘yinida ishtirok etgan.
Avvalroq “Leypsig” va “Chelsi” o‘rtasidagi muzokaralar 2023 yilning yanvarida davom etishi xabar qilingandi.
