"Sherlar" Superliga 19-turidan o‘rin olgan uchrashuvda 15 sentyabr kuni Olmaliqda AGMK mehmoni bo‘lishadi.
Mazkur bahsda jamoalarda diskvalifikasiya bilan bog‘liq boshqa yo‘qotishlar mavjud emas.
Hozirga qadar chempionatlar tarixida jamoalar 29 marta o‘zaro to‘qnash kelishgan. 21 bellashuvda "Paxtakor" g‘alaba qozongan. 4 bahsda durang qayd etilgan bo‘lsa, 4 marta Olmaliq klubi zafar quchgan. Jamoamiz 52 to‘p kiritib, 16 gol o‘tkazib yuborgan. 7 muvaffaqiyatni "Sherlar" yirik g‘alaba bilan qo‘lga kiritishgan. Olmaliqda kechgan 14 o‘yinning 11tasida "Paxtakor" ustun kelgan. Mezbonlar esa 3 uchrashuvda yutuqqa erishganlar. Safarda 27 gol urgan holda 7 to‘p o‘tkazib yuborilgan. O‘tgan yili Olmaliqda "Paxtakor" 3:0 hisobida zafar quchgan.
"Sherlar" mazkur o‘yindagi g‘alaba orqali peshqadamlikni davom ettirish imkoniyatini saqlab qolishadi. Yuqori o‘rinlarga da’vogar yana bir raqibga qarshi safardagi o‘yin keskin o‘tishi kutilmoqda.
AGMK va "Paxtakor" jamoalari o‘rtasidagi 19-tur bellashuvi 15 sentyabr, payshanba kuni soat 19:00da Olmaliqdagi OKMK stadionida boshlanadi.
