"Inter" hujumchisi Romelu Lukaku jarohatidan so‘ng qachon maydonga qaytishi mumkinligi ma’lum bo‘ldi.

Sky Sport Italia nashri xabariga ko‘ra, 29 yoshli belgiyalik futbolchi jarohatdan so‘ng qo‘shimcha tekshiruvdan o‘tgan. Lukakuning tiklanishi reja bo‘yicha davom etmoqda, shuning uchun hujumchi terma jamoadagi tanaffusdan keyin "Inter"ga qaytishi mumkin.

Eslatib o‘tamiz, belgiyalik futbolchi “Udineze” bilan bo‘lajak A Seriya o‘yinini hisobga olmasa, "Inter" klubining oltita o‘yinini o‘tkazib yuborgan.

Joriy mavsumda Romelu Lukaku “Inter” safida Italiya chempionatida 3 ta o‘yin o‘tkazib, bitta gol va bitta golli uzatmani amalga oshirdi.