"Bavariya" himoyachisi Luka Ernandes jarohati sabab bir oydan ko‘proq vaqtni o‘tkazib yuboradi.

Futbolchi Chempionlar ligasi guruh bosqichi 2-turi doirasidagi “Barselona”ga qarshi uchrashuvda (2:0) jarohat olgandi.

Myunxen klubining xabar berishicha, tekshiruv fransiyalik futbolchining qo‘shimcha mushak jarohatini aniqlagan. L'Equipe nashri xabariga ko‘ra, u taxminan besh haftani o‘tkazib yuboradi.

Shu tariqa Ernandes Fransiya terma jamoasining Millatlar ligasidagi navbatdagi o‘yinlarini o‘tkazib yuboradi. Didye Desham shogirdlari 22 sentyabr kuni Avstriya, 25 sentyabr kuni esa Daniya bilan o‘ynaydi.

"Bavariya" ushbu o‘yinda jarohat olgan Dayot Upamekano va Benjamin Pavardning holati haqida ham xabar berdi. Himoyachilarning jarohatlari jiddiy emas edi, ular yaqin kunlarda mashg‘ulotlarga qaytishadi.