Superliganing 19-tur doirasidan o‘rin olgan “Nasaf” – “Qo‘qon-1912” uchrashuvi 16 sentyabr kuni Qarshi shahrida bo‘lib o‘tadi. Mazkur bahs oldidan ushbu jamoalarning o‘zaro o‘yinlardagi statistik ma’lumotlari bilan tanishtirib o‘tamiz.
O‘zaro o‘yinlar
Bu jamoalar shu paytga qadar chempionat doirasida 27 marta to‘qnash kelishgan.
“Nasaf” o‘yinlarning 18 tasida zafar quchgan, 5 ta bahsda qo‘qonliklarning qo‘li baland kelgan. To‘rtta uchrashuvda durang natija qayd etilgan.
To‘plar nisbati – 49-26 “Nasaf” foydasiga. O‘zaro o‘yinlarda “Ajdardar” 58 ochkoni qo‘lga kiritishgan. “Qo‘qon-1912” ochkosi 19 tani tashkil etadi.
Qarshidagi o‘yinda “Nasaf” bosh murabbiyi Ro‘ziqul Berdiyev o‘z jamoasini maydon chetida turib boshqara olmaydi. 29 avgust kuni Qarshida “Lokomotiv” bilan o‘yindan keyin bosh hakam bilan tortishgani sababli Ro‘ziqul Berdiyev uchta uchrashuvga diskvalifikasiya qilingan. Shuningdek “shunqorlar” tarkibida ham bir nechta yo‘qotishlar bor. Ertaga “markaziy”da bo‘ladigan o‘yin qiziqarli va murosasiz kurashlarga boy tarzda o‘tishi shubhasiz.
Qarshi shahrida bo‘lib o‘tgan so‘nggi uchrashuvlar
15.11.2021 Nasaf – Qo‘qon-1912 3:1
31.10. 2020 Nasaf – Qo‘qon-1912 – 1:0
18.05. 2019 Nasaf – Qo‘qon-1912 – 2:0
01. 11. 2018. Nasaf – Qo‘qon-1912 - 1:1
23. 07. 2018. Nasaf – Qo‘qon-1912 - 1:0
06. 08. 2017. Nasaf – Qo‘qon-1912 - 3:0
15. 04. 2016. Nasaf – Qo‘qon-1912 - 1:0
02. 04. 2015. Nasaf – Qo‘qon-1912 - 3:0
Qarshidagi bahsni Ilya Ilin boshqarib boradi
Superliganing 19-tur o‘yinlarini boshqarib boradigan hakamlar hamda rasmiy shaxslar nomi ma’lum bo‘ldi. Qarshi shahridagi “markaziy” stadionida bo‘lib o‘tadigan “Nasaf” – “Qo‘qon-1912” jamoalari o‘rtasidagi o‘yinni Ilya Ilin boshchiligidagi hakamlar boshqarib boradigan bo‘lishdi. Ilin bu mavsumning 11-turidan o‘rin olgan "Qo‘qon-1912"ning “Qizilqum” jamoasiga qarshi o‘tkazgan o‘yini ham boshqarib borgan edi. Yaypanda bo‘lib o‘tgan o‘sha bahsda qo‘qonliklar 1-3 hisobidan imkoniyatni boy berishgan edi.
NASAF — QO‘QON-1912
Qarshi. "Markaziy" stadioni. 16 sentyabr, juma. Soat 18:30
Hakamlar: Ilya Ilin, Rustam Tagayev, Islom Nosirov, Rustam Choriyev
VAR hakami: Akobir Shukurullayev
AVAR hakami: Baxtiyorxo‘ja Shavkatov
Nazoratchi: Aleksandr Popov
Komissar: Sherzod Rajabov
