"Manchester Siti" yarim himoyachisi Fil Foden ayni damda kimni dunyoning eng yaxshi futbolchisi deb bilishini aytdi.

“Bu oson savol emas, kimnidir tanlash unchalik oson emas. Lekin men Kevin de Bryuyneni aytaman, chunki uni har kuni ko‘raman, mashg‘ulotlarda ishlayotganini kuzataman. Bu ajoyib futbolchi, men faoliyatim davomida uchratgan eng yaxshi futbolchi", - dedi Foden The Sun nashriga bergan intervyusida.

31 yoshli belgiyalik futbolchi joriy mavsumda APLda 6 ta o‘yinda maydonga tushib, 1 ta gol va 4 ta golli uzatmani amalga oshirdi. Uning transfer narxi 85 million yevroga baholanmoqda.