Fransiyalik himoyachi Dan-Aksel Zagadu Germaniyaning “Shtutgart” klubi bilan shartnoma imzoladi, deb xabar beradi klub rasmiy sayti.
Shartnoma 2026 yilgacha mo‘ljallangan. 23 yoshli futbolchi klub bilan erkin agent sifatida shartnoma imzoladi.
Zagadu «Shtutgart» bilan shartnoma imzolashi mumkinligi haqida avvalroq taniqli insayder Fabrisio Romano xabar bergan edi.
O‘tgan yozda Zagadu "Borussiya Dortmund" bilan shartnomasini yakunlagan edi. Shundan so‘ng himoyachi Italiyaning "Roma"siga jalb qilindi, ammo transfer amalga oshmadi.
Bundesliganing joriy mavsumida “Shtutgart” yetti uchrashuvda bor-yo‘g‘i besh ochko to‘plagan. Jamoa turnir jadvalida 16-o‘rinni egallab turibdi.
