"Bavariya"ning sobiq ustozi, hozirda Germaniya terma jamoasi ustozi Xans-Diter Flik Myunxen klubining Germaniya Bundesligasidagi inqirozi haqida fikr bildirdi. Yulian Nagelsmann jamoasi qatorasiga 4ta o‘yindan beri g‘alaba qozona olmayapti.
"Birinchi turlardan so‘ng ko‘pchilik "Bavariya"ning raqiblarida zarracha imkoniyat bo‘lmasligiga ishonishdi. Endi ular sustkashlikdan voz kechishdi, ammo jamoaning ko‘p imkoniyatlar yaratayotgani menda ijobiy fikr uyg‘otmoqda", - dedi Flik matbuot anjumanida.
Bundesliganing so‘nggi turida "Bavariya" safarda "Augsburg"ga minimal 0:1 hisobida mag‘lub bo‘ldi. Yulian Nagelsmann shogirdlari ayni damda chempionat jadvalida beshinchi o‘rinda bormoqda.
