Janubiy Koreyada yig‘in o‘tkazayotgan O‘zbekiston milliy jamoasi JCH-2022 qatnashchisi sanalgan Kamerun bilan o‘rtoqlik bahsini o‘tkazib, har ikki bo‘limda bittadan gol urib ishonchli g‘alabaga erishdi.

Shu tariqa, Srechko Katanets boshqaruvidagi jamoamizning g‘alabali o‘yinlar seriyasi 7taga yetdi. O‘zbekiston 2022 yildagi barcha o‘yinlarda g‘olib bo‘ldi:

O‘zbekiston - Janubiy Sudan - 3:0
O‘zbekiston - Qirg‘iziston - 3:1
O‘zbekiston - Uganda - 4:2
O‘zbekiston - Shri Lanka - 3:0
O‘zbekiston - Maldiv orollari - 4:0
O‘zbekiston - Tailand - 2:0
O‘zbekiston - Kamerun - 2:0

Terma jamoamiz tarixidagi eng uzun g‘alabali seriya 8ta o‘yindan iborat bo‘lib, bunday natijaga Rustam Akramov (1994) va Samvel Babayan (2015-2016) davrida erishilgan.

Milliy jamoamiz tarixida yana bitta 7ta o‘yindan iborat g‘alabali seriya mavjud bo‘lib, bu 1999-2000 yillarga to‘g‘ri kelgan. O‘shanda Mahmud Rahimov 6ta o‘yinda g‘alaba qozongan bo‘lsa, uning o‘limidan keyin lavozimga tayinlangan Viktor Borisov bitta g‘alabaga erishgan.

O‘zbekiston 27 sentyabr kuni Mundialning yana bir ishtirokchisi Kosta-Rika bilan bahs yuritadi.