Italiyalik yarim himoyachi Sandro Tonali Millatlar ligasining navbatdagi ikki o‘yinida maydonga tushmaydi, deb xabar bermoqda terma jamoa matbuot xizmati.
22 yoshli futbolchi mushaklaridan jarohat olgan. Italiya terma jamoasi bosh murabbiyi Roberto Manchini ehtiyot chorasi sifatida Tonaliga dam berishga qaror qildi.
Italiya 4 turdan keyin Millatlar ligasining A3 guruhida 5 ochko bilan 3-o‘rinda bormoqda.
Keyingi uchrashuvlarda italiyaliklar Angliya va Vengriya bilan kuch sinashadi. Uchrashuvlar mos ravishda 23 va 26 sentyabr kunlari bo‘lib o‘tadi.
