O‘zbekiston milliy terma jamoasi Janubiy Koreyada o‘tgan xalqaro o‘rtoqlik o‘yini doirasida Kamerun bilan bahs yuritdi. Srechko Katanes qo‘l ostidagi jamoa afrikalik raqibi ustidan 2:0 hisobidagi g‘alabani qo‘lga kiritdi.

Kamerun terma jamoasi noyabr dekabr oylarida Qatarda bo‘lib o‘tadigan JCH—2022 ishtirokichisi hisoblanadi. O‘zbekiston terma jamoasi Jahon Chempionati bo‘lib o‘tadigan yilda o‘ninchi marta mundial ishtirokchisi bilan o‘ynadi, deya e’tibor qaratdi Alisher Nikimbayev.

Ushbu g‘alabani qo‘shib hisoblaganda O‘zbekiston terma jamoasi o‘yinlarning uchtasida g‘alaba qozongan. 1994 yilda Osiyo o‘yinlari doirasida Saudiya Arabistoni va Janubiy Koreya mag‘lub etilgan, qolgan barcha o‘yinlar o‘rtoqlik maqomida o‘tgan.

1994 yil
O‘zbekiston — Saudiya Arabistoni 4:1
O‘zbekiston — Janubiy Koreya 1:0

1998 yil
O‘zbekiston — Eron 0:4

2018 yil
O‘zbekiston — Senegal 1:1
O‘zbekiston — Marokash 0:2
O‘zbekiston — Eron 0:1
O‘zbekiston — Urugvay 0:3
O‘zbekiston — Eron 0:1
O‘zbekiston — Janubiy Koreya 0:4

2022 yil
O‘zbekiston — Kamerun 2:0

Qayd etish kerak, O‘zbekiston terma jamoasining keyingi o‘rtoqlik o‘yini ham Qatar mundiali ishtirokchisi — Kosta-Rika bo‘ladi. Mazkur bahs 27 sentyabr kuni bo‘lib o‘tadi.