Kecha O‘zbekiston milliy terma jamoasi Kamerun termasiga qarshi nazorat uchrashuvini o‘tkazgandi va himoyachimiz Rustam Ashurmatov jarohat olib, maydonni erta tark etgandi. O‘FA matbuot xizmati Ashurmatovning jarohati yuzasidan bayonot berdi.
"Kecha O‘zbekiston milliy terma jamoasi futbolchisi Rustam Ashurmatov Kamerunga qarshi bahsda jarohat olib, maydonni tark etgan edi. Tekshiruv xulosalariga ko‘ra, futbolchining jarohatiga lat yeyish tashxisi qo‘yilgan. Mutaxassislarga ko‘ra, bu suyak to‘qimalarining jiddiy jarohatini keltirib chiqarmagan.
Davolash-tiklanish jarayoni boshlab yuborilgan bo‘lib, futbolchimiz ertadan individual mashg‘ulotlarda ishtirok etishi kutilyapti. Shifokorlarning tavsiyasiga ko‘ra, u Kosta-Rikaga qarshi bahsda ishtirok etmaydi." - deyiladi O‘FA rasmiy bayonotida.
