Кеча Ўзбекистон миллий терма жамоаси Камерун термасига қарши назорат учрашувини ўтказганди ва ҳимоячимиз Рустам Ашурматов жароҳат олиб, майдонни эрта тарк этганди. ЎФА матбуот хизмати Ашурматовнинг жароҳати юзасидан баёнот берди.
"Кеча Ўзбекистон миллий терма жамоаси футболчиси Рустам Ашурматов Камерунга қарши баҳсда жароҳат олиб, майдонни тарк этган эди. Текширув хулосаларига кўра, футболчининг жароҳатига лат ейиш ташхиси қўйилган. Мутахассисларга кўра, бу суяк тўқималарининг жиддий жароҳатини келтириб чиқармаган.
Даволаш-тикланиш жараёни бошлаб юборилган бўлиб, футболчимиз эртадан индивидуал машғулотларда иштирок этиши кутиляпти. Шифокорларнинг тавсиясига кўра, у Коста-Рикага қарши баҳсда иштирок этмайди." - дейилади ЎФА расмий баёнотида.
