"Inter" hujumchi Edin Jeko bilan shartnomani uzaytirmoqchi emas, deb xabar beradi Corriere dello Sport.
36 yoshli bosniyalikning milan klubi bilan amaldagi shartnomasi 2023 yilning yoziga qadar mo‘ljallangan. Hujumchining jamoani erkin agent maqomida tark etishi ehtimoli yuqori.
Joriy mavsumda Jeko “Inter” safida barcha musobaqalarda 9 ta o‘yin o‘tkazib, 2 ta gol urdi va 3 ta golli uzatmani amalga oshirdi.
Eslatib o‘tamiz, milanliklar hujumchini 2021 yilda "Roma"dan atigi 4 million yevro evaziga sotib olgandi.
