Uels terma jamoasi UEFA Millatlar ligasi doirasidagi o‘yinda Polsha hujumchisi Robert Levandovskiga (1:0) qarshi anchagina qattiq o‘ynadi. Forvard yuz va oyoqlaridan bir nechta zarba qabul qilib oldi. 34 yoshli Levandovski jarohat olgan taqdirda xalqaro o‘yinlardan so‘ng "Barselona"ning safdan chiqqan oltinchi futbolchisiga aylanishi mumkin.
Avvalroq Jyul Kunde (Fransiya) va Ronald Arauxo (Urugvay) terma jamoalarida jiddiy jarohat olishgan, Frenki de Yong va Memfis Depay (ikkalasi ham Niderlandiya) ham jarohat olib klubga qaytishadi. Terma jamoaning so‘nggi o‘yinini o‘tkazib yuborgan Usmon Dembelening (Fransiya) sog‘lig‘i so‘roq ostida.
Levandovski joriy mavsumda barcha musobaqalarda 8 ta o‘yinda 11 ta gol urdi va 2 ta golli uzatmani amalga oshirdi.
