"Everton" yarim himoyachisi Entoni Gordon "Chelsi"ga o‘tmaganligi haqida fikr bildirdi.
Eslatib o‘tamiz, yozda London klubi Angliya yoshlar terma jamoasining 21 yoshli futbolchisiga da’vo qilgandi, ammo "Everton" ushbu transfer uchun taxminan 67 million yevro so‘ragan edi.
"Men "Everton"ni imkon qadar tezroq tark etishni istamayman, shuning uchun hech narsadan shikoyat qilmayman. Zamonaviy futboldagi bunday narxlar butunlay jinnilik. Shaxsan menimcha, hech bir futbolchi bunday pulga arzimaydi. Hozir klublar birinchi navbatda potensial uchun to‘laydilar, bu shunday ishlaydi. Lekin men bunga berilib ketganim yo‘q, transfer narxini nazorat qilmayman”, - dedi hujumkor yarim himoyachi Standard Sport bilan suhbatda.