Braziliya Yevropa klublari uchun yosh iqtidorlarni asosiy yetkazib beruvchilardan biri hisoblanadi. Ularning ko‘pchiligi hozir top-jamoalarda o‘ynayapti yoki o‘ynagan. Ko‘pchilik braziliyaliklar Yevropada bo‘lishni xohlashadi va klublar ular uchun katta va ba’zan rekord summalarni to‘lashga tayyor. Keling bugun futboldagi eng qimmat braziliyaliklarni ko‘rib chiqamiz.
Oskar
Braziliyalik futbolchi u yerga kelishdan ko‘ra Yevropani tark etib transfer rekordini o‘rnatgan kam sonli holatlardan biri. 2012 yilning yozida Oskar 32 million yevro evaziga "Internasional"dan "Chelsi"ga o‘tgan edi. 2017 yilning yanvarida u 60 mln evaziga “Shanxay SIPG”ga o‘tdi. Futbolchi Xitoyga ancha erta jo‘nab ketdi. So‘nggi paytlarda braziliyalik Yevropaga qaytish istagi haqida ko‘proq gapirmoqda, biroq hozircha hech qanday taklif kelib tushmagan.
Alisson
Alisson va “Liverpul” bir-birlarini topdilar. “Qizillar”ga yuqori darajaga chiqish uchun sifatli darvozabon, braziliyalikga esa sovrinlar yetishmadi. Shunday qilib, 2018 yilning iyul oyida futbolchi “Roma”dan mersisaydliklar safiga 66 mln yevroga o‘tdi. Alissonning kelishi bilan "Liverpul" kamroq gol o‘tkazib yubora boshladi. Futbolchi uchun pul behuda sarflanmadi, chunki u hali ham foyda keltiryapti. O‘tgan mavsumda braziliyalik hamyurti Ederson bilan birga quruq o‘yinlarda (20ta) APLning eng yaxshi darvozaboni bo‘ldi.
Kaka
"Milan" Kakaning "San-Paulu"ni tark etgandan so‘ng Yevropadagi birinchi klubiga aylandi. 2003 yilning yozida “rossonerilar” sobiq yarim himoyachini o‘z jamoasidan 8,5 million yevroga sotib olishgan. 4 yildan so‘ng "qizil-qoralar" futbolchini "Real"ga 67 millionga sotishdi. Italiyada braziliyalik Ispaniyaga qaraganda yaxshiroq harakat qilardi. U La Ligadan ko‘ra A Seriyada ko‘proq o‘ynadi va gol urdi. "Milan" uchun Kakaning transferi "Real"dan ko‘ra har tomonlama foydaliroq bo‘lib chiqdi. Sobiq yarim himoyachi "Qirollik klubi"da 4 yil o‘tkazdi, shundan so‘ng u "rossoneri"ga qaytdi, keyin esa "San-Paulu" va "Orlando Siti"da o‘ynadi.
Kazemiro
Kazemiro - "Manchester Yunayted"ning eng so‘nggi transferlaridan biri. Braziliyalik o‘z qarori bilan ko‘pchilikni lol qoldirdi. U joriy mavsumni "Real" bilan boshladi va hatto "qaymoqranglilar" bilan birga UEFA Superkubogini ham qo‘lga kiritishga muvaffaq bo‘ldi. Ammo yarim himoyachiga yangi chaqiruv kerak edi, buning uchun u Manchesterga yo‘l oldi. “Blankoslar” bu transferdan prinsipial jihatdan yutqazmadi. Uning o‘rniga o‘rinbosarlari bor futbolchi uchun esa munosib pul olishdi.
Artur
Arturning "Yuventus"ga o‘tishi juda g‘alati bo‘ldi. 2020 yilning yozida “Barselona” futbolchini turinliklarga 76 million yevroga sotgan edi. Deyarli bir xil pulga kataloniyaliklar Miralem Pyanichni “byankoneri”dan sotib olishdi. Bu transferlardan hech kim foyda ko‘rmadi. Artur "Yuventus"da 2 ta mavsumni o‘tkazdi va "Liverpul"ga ijaraga o‘tdi. Pyanich erkin agent sifatida Kataloniyani butunlay tark etdi.
Antoni
Antoni - "Manchester Yunayted"ning eng so‘nggi transferi. Mankunianliklar futbolchini transfer oynasi yopilishidan oldin sotib olishdi. U oxirgi mavsumning eng qimmat futbolchisiga aylandi. Bonuslarni qo‘shganda transfer summasi 100 milliongacha oshishi mumkin. Ko‘pchilik "Yunayted" braziliyalik uchun ortiqcha pul to‘ladi, deb gumon qilmoqda. Bu haqiqatmi, buni vaqt ko‘rsatadi. Antoni o‘yinni yaxshi boshladi. "Manchester Yunayted" uchun birinchi o‘yindayoq qanot hujumchisi mankunianliklarga "Arsenal"ga joriy mavsumdagi ilk mag‘lubiyatini keltirgan golni urdi.
Filippe Koutino
Koutinoning transferi bir vaqtlar shov-shuvga sabab bo‘lgandi. Jamoalar mavsum o‘rtasida bunday katta summani kamdan-kam to‘laydilar. "Barselona" braziliyalik uchun 135 million yevroni ayamagan, ammo kelishuv muvaffaqiyatsiz bo‘lib chiqdi. Kataloniya klubida yarim himoyachidagi ishlar yaxshi bo‘lib chiqmadi. "Bavariya"ga ijara unga faoliyati tiklab olishga yordam bermadi. Natijada Koutino o‘tgan yozda uni 20 million yevroga sotib olgan Stiven Jerrardning "Aston Villa"siga o‘tdi. Braziliyalik futbolchi Premyer-ligaga qaytdi, ammo bu endi u avvalgi darajadagi klub emas.
Neymar
Neymarning transferi, ehtimol, yuqoridagilarning eng shov-shuvlisi bo‘ldi. 2017 yilning yozida “PSJ” yulduz hujumchini “Barselona”dan 222 million yevro evaziga sotib olgandi. Bu futbol tarixidagi rekord transfer hisoblanadi. Shu bilan birga Neymar eng qimmat braziliyalikga aylandi. Forvard Parijda 5 yil o‘tkazdi. Bu vaqt ichida futbolchining “PSJ”dan ketishi mumkinligi haqida vaqti-vaqti bilan mish-mishlar paydo bo‘ldi, ammo u hali ham Fransiya poytaxtida qolmoqda. Neymar hali Chempionlar Ligasi yoki "Oltin to‘p"ni qo‘lga kiritmagan, ammo Parij bilan yaxshi o‘ynayapti. Va bu eng muhim narsa.
