Italiya A Seriyasi 9-tur doirasidan o‘rin olgan "Empoli" - "Milan" uchrashuvi o‘z yakuniga yetdi. Unda mehmonlar 3:1 hisobida g‘alaba qozondi.
Zaxiradan maydonga tushgan milanliklar hujumchisi Ante Rebich uchrashuvning 79-daqiqasida hisobni ochdi.
Ikkinchi bo‘limga qo‘shib berilgan vaqtda yarim himoyachi Nedim Bayrami jarima zarbasini amalga oshirib, hisobni tenglashtirdi.
Biroq navbatdagi hujumda himoyachi Fode Ballo-Ture yana milanliklarni oldinga olib chiqdi va jamoasiga uch ochko keltirdi. Hujumchi Rafael Leau esa o‘yinga nuqta qo‘ydi.
Gollar: 0:1 – 79 Rebich, 1:1 – 90 Bayrami, 1:2 – 90 Ballo-Ture, 1:3 – 90 Rafael Leau.
"Empoli" – Vikario, Stoyanovich, Luperto, de Vinter, Parizi, Xenderson (Bayrami, 58), Grassi (Marin, 45), Xaas (Kambyagi, 83), Pyasa (Bandinelli, 58), Lammers, Satriano (Destro, 82).
"Milan" – Teterushanu, Kalabriya (Kalulu, 39), Kyer (Dest, 73), Tomori, Ballo-Ture, Bennaser, Salemakers (Krunich, 33), Tonali, de Ketelare (Braim Dias, 73), Jiru (Rebich, 73), Rafael Leau.
