"PSJ" hujumchisi Lionel Messi jarima zarbasidan gol urish borasida Ronald Kumanga yetib oldi.
Argentinalik futbolchi Liga 1 9-turidan o‘rin olgan "Nissa"ga qarshi o‘yinda (2:1) jarima zarbasidan o‘zining 60-muvaffaqiyatini nishonladi. Buning evaziga u darvozabon Rojerio Seni va yarim himoyachi Marselinyo Kariokani ortda qoldirdi.
Messi va Kuman jarima zarbalarini eng ko‘p gol urgan futbolchilar ro‘yxatida sakkizinchi o‘rinni egallab turishibdi. Ulardan yuqoriroqda Ziko (62), Diyego Maradona (62), Devid Bekxem (65), Ronaldinyo (66), Viktor Legrotalye (66), Pele (70) va Juninyo Pernambukano (77) bor.