"Arsenal" bosh murabbiyi Mikel Arteta uning jamoasi joriy mavsumda Premyer-liga chempionligiga da’vogar yoki yo‘qligi haqida izoh berishdan bosh tortdi.
Arteta shogirdlari APLda "Tottenxem" ustidan 3:1 hisobida g‘alaba qozonishdi, ammo Mikel "kanonirlar"ning chempionlikni qo‘lga kiritish imkoniyatlari haqida gapirishni istamadi.
"Arsenal" chempionlikka da’vogar bo‘lishga qanchalik yaqin? Bilmayman va bu savolga javob bera olmayman."
Biz jadvalning eng yuqori pog‘onasidamiz va u yerda bo‘lganimizdan juda xursandmiz. Biz u yerda bo‘lishni davom ettirmoqchimiz va bu bizning maqsadimiz.
Bu haqiqatan ham och va kamtar jamoa hamda biz ligada o‘z maqsadimizga erishish uchun hali ko‘p narsalarni yaxshilashimiz kerakligini bilamiz" - dedi Arteta talkSPORT bilan suhbatda.
