Krishtianu Ronaldu APLning 10-turiga kelib, mavsumdagi ilk golini kiritdi.
“Everton”ga qarshi bahsda zaxirada qoldirilgan Krishtianu uchrashuvning 29-daqiqasida jarohat olgan Antoni Marsyal o‘rniga o‘yinga qo‘shildi.
Birinchi bo‘limning so‘nggi daqiqalari o‘tib borayotgan bir pallada Kazemironing uzatmasidan so‘ng Ronaldu jamoasini hisobda oldinga olib chiqdi hamda yakunda “qizil iblislar”ning 2:1 hisobidagi g‘alabasini ta’minladi.
Jamoatchilikni e’tiborini tortgan voqea esa portugaliyalik futbolchining gol nishonlashi bo‘ldi. Ayrim mutaxassilarning fikriga ko‘ra, Ronaldu gol urganidan keyin “elkasidan tog‘ ag‘darilganini” ifoda etmoqchi bo‘lgan.
