Madridning “Real” klubi hujumchisi Karim Benzema faoliyatini “Manchester Yunayted”da davom ettirishi mumkin, deb xabar beradi El Nacional.
Manbaning xabariga ko‘ra, 34 yoshli fransuz uchun ma’qul variant Madrid klubi bilan shartnomani uzaytirishdir. Agar mavsum yakuniga qadar "Real" bilan yangi shartnoma imzolanmasa, Benzema "Manchester Yunayted" bilan muzokaraga tayyor bo‘ladi.
Hujumchi 2009 yilda "Lion"dan "Real"ga o‘tgan edi. Uning klub bilan amaldagi shartnomasi 2023 yilning yoziga qadar mo‘ljallangan. Transfermarkt portali futbolchini 30 million yevroga baholamoqda.
Benzema joriy mavsumda "Real" safida 9 ta o‘yinda maydonga tushib, 4 ta gol urdi va 1 ta golli uzatmani amalga oshirdi.