Мадриднинг “Реал” клуби ҳужумчиси Карим Бензема фаолиятини “Манчестер Юнайтед”да давом эттириши мумкин, деб хабар беради El Nacional.
Манбанинг хабарига кўра, 34 ёшли француз учун маъқул вариант Мадрид клуби билан шартномани узайтиришдир. Агар мавсум якунига қадар "Реал" билан янги шартнома имзоланмаса, Бензема "Манчестер Юнайтед" билан музокарага тайёр бўлади.
Ҳужумчи 2009 йилда "Лион"дан "Реал"га ўтган эди. Унинг клуб билан амалдаги шартномаси 2023 йилнинг ёзига қадар мўлжалланган. Transfermarkt портали футболчини 30 миллион еврога баҳоламоқда.
Бензема жорий мавсумда "Реал" сафида 9 та ўйинда майдонга тушиб, 4 та гол урди ва 1 та голли узатмани амалга оширди.
