Klopp va Gvardiola o‘tgan besh yil mobaynida turli xil musobaqalar doirasida doimiy to‘qnash kelib turdi. Ular jamoalarining maskimal kuchidan foydalanish maqsadida rotasiya bilan ham shug‘ullanishadi. Tarkib borasida Klopp bir paytlar shunday degandi: "Siz o‘rtacha futbolchilar bilan bitta sovrin qo‘lga kiritishingiz mumkin. Ammo ko‘plab titullar uchun sizga top o‘yinchilar zarur. Ular esa qimmat turadi".

Shuningdek, Klopp ko‘proq futbolchi sotib olish uchun, katta sotuvlarni amalga oshirish kerak ekanini ham aytib o‘tgan. U shunday deydi: "Klubda pul yetarlicha. Ammo transfer siyosatining maqsadi aniq. Biz ishlab topgan pulimizga yarasha sarf qilamiz. Ya’ni, ko‘p topsak - ko‘p, kam topsak - kam. Hech kimga sir emaski, biz katta transferlar qilavermaymiz. Ammo sotib olgan o‘yinchimiz, albatta yaxshi darajaga ega bo‘lishi kerak".
Shuningdek, Pep Gvardiolaning ham o‘z jamoasida qilayotgan ishlaridan xabaringiz bor. U o‘ta katta summa sarflashga o‘rgangan. Buni uning o‘zi ham tan olishdan qo‘rqmaydi. Ispaniyalik mutaxassis 2021 yilning fevralida shunday degandi: "Bizda pul ko‘p va unga eng yaxshi futbolchilarnigina sotib olamiz. Ha, buning o‘zi muvaffaqiyat uchun yetarli emas. Bizda, eng avvalo, aql-bovar qilmas darajadagi kuchli tuzilma, insonparvar, o‘z ishini yaxshi biladigan va mehribon hodimlar, murabbiylar shtabi mavjud. So‘nggi to‘rt yildagi erishgan yutuqlarimizda ularning xizmati tengsizdir".

Quyida Klopp va Gvardiola tomonidan APLda amalga oshirilgan eng qimmat beshta xarid hamda shuncha sotuvni ko‘rib chiqamiz. Ma’lumotlarlar "Transfermarkt" portali tomonidan taqdim etildi.

Yurgen Klopp "Liverpul"da

Besh xarid:
1. Virjil van Deyk – 76,2 million funt
2. Darvin Nunyes – 67,5 million funt
3. Allison – 56,3 million funt
4. Nabi Keyta – 54 million funt
5. Fabinyo – 40,5 million funt

Beshta sotuv:
1. Filipe Koutinyo – 121,5 million funt
2. Sadio Mane – 28,8 million funt
3. Kristian Benteke – 28,1 million funt
4. Mamadu Sako – 25,4 million funt
5. Denni Ingz – 22,6 million funt

Umumiy xarajatlar: 643,06 million
Umumiy kirimlar: 435 million
Sof xarajat: 207, 32 million.

Pep Gvardiola "Manchester Siti"da

Beshta xarid:
1. Jek Grilish – 105,8 million funt
2. Ruben Diash – 61,2 million funt
3. Riyad Mahrez – 61 million funt
4. Joao Kanselu – 58,5 million funt
5. Emerik Lyaport – 58,5 million funt

Beshta sotuv:
1. Leroy Sane – 54 million funt
2. Raxim Sterling – 50,9 million funt
3. Ferran Torres – 49,5 million funt
4. Gabriel Jezus – 47 million funt
5. Danilo – 33,3 million funt

Umumiy xarajatlar: 1,1 milliard
Umumiy kirimlar: 518 million
Sof xarajat: 581, 8 million.

ISMATOV J.