Sadio Mane "Oltin to‘p"ga da’vogarlar ro‘yxatining kuchli uchligidan joy oldi.

Mavsum oralig‘ida "Bavariya"ga ko‘chib o‘tgan "Liverpul"ning sobiq vingeri yakuniy ro‘yxatda ikkinchi yoki uchinchi o‘rinni egallaydi.

Ovoz berish natijalari bugun "Oltin to‘p"ni topshirish marosimida e’lon qilinadi.

Manening natijasi afrikalik futbolchilar uchun 1995 yildan beri - liberiyalik Jorj Vea “Oltin to‘p”ni qo‘lga kiritganidan beri eng yaxshisi bo‘ldi.

Senegallik futbolchi o‘tgan mavsumda "Liverpul" bilan Angliya kubogi va Liga kubogini qo‘lga kiritgan. Chempionlar ligasida uning jamoasi finalgacha yetib borgan va u yerda “Real”ga yutqazgan, Premyer-ligada esa ikkinchi o‘rinni egallagan.