Madridning “Real” klubi hujumchisi Karim Benzema 2022 yilgi “Oltin to‘p”ni qo‘lga kiritdi.
Mukofot 34 yoshli hujumchiga bugun Parijdagi tantanali marosimda topshirildi.
O‘tgan mavsumda fransiyalik futbolchi "Real Madrid" tarkibida Chempionlar ligasida (faoliyatida 5-marta) va Ispaniya chempionatida (4-marta) g‘olib chiqdi.
U ikkala turnirda ham eng yaxshi to‘purarga aylandi. Chempionlar ligasida u 12 o‘yinda 15 ta gol urgan, La Ligada 32 o‘yinda 27 ta gol urgan.
Umuman olganda, u 2021/22 yilgi mavsumda madridliklar safida barcha musobaqalarda 46 ta o‘yinda 44 ta gol urgan.
Benzema uchun bu faoliyatidagi ilk “Oltin to‘p”. Uning eng yaxshi natijasi o‘tgan yili to‘rtinchi bo‘lgan edi.
Avgust oyida hujumchi UEFA talqini bo‘yicha mavsumning eng yaxshi futbolchisi sovrinini oldi.
