Мадриднинг “Реал” клуби ҳужумчиси Карим Бензема 2022 йилги “Олтин тўп”ни қўлга киритди.
Мукофот 34 ёшли ҳужумчига бугун Париждаги тантанали маросимда топширилди.
Ўтган мавсумда франциялик футболчи "Реал Мадрид" таркибида Чемпионлар лигасида (фаолиятида 5-марта) ва Испания чемпионатида (4-марта) ғолиб чиқди.
У иккала турнирда ҳам энг яхши тўпурарга айланди. Чемпионлар лигасида у 12 ўйинда 15 та гол урган, Ла Лигада 32 ўйинда 27 та гол урган.
Умуман олганда, у 2021/22 йилги мавсумда мадридликлар сафида барча мусобақаларда 46 та ўйинда 44 та гол урган.
Бензема учун бу фаолиятидаги илк “Олтин тўп”. Унинг энг яхши натижаси ўтган йили тўртинчи бўлган эди.
Август ойида ҳужумчи УЕФА талқини бўйича мавсумнинг энг яхши футболчиси совринини олди.
