"Barselona" bosh murabbiyi Xavi La Ligada "Vilyarreal" ustidan qozonilgan g‘alaba (3:0) haqida fikr bildirdi.

"O‘ylaymanki, biz yaxshi o‘yin o‘tkazdik. "Real"ga qarshi o‘yindagi mag‘lubiyatga javob qaytarishimiz kerak edi, umidlar katta edi va jamoa xarakter ko‘rsata oldi, shiddatli va samarali o‘ynadi, himoyada va eng muhimi hujumda yaxshi ishlay oldi. Chempionatda eng kam gol o‘tkazib yuborgan jamoaga uchta gol urdik. Tarkibdagi o‘zgarishlar? Buni aytishning ma’nosi yo‘q. Yakshanba kuni ham o‘zgarishlar bo‘ladi. Men futbolchilarda charchoq borligini tushunaman, lekin bizga kerak. Shiddatlilik, ritm, buning uchun maydondagi har bir futbolchi 100 foiz tayyor bo‘lishi kerak", - dedi Xavi Marca bilan suhbatda.