«Manchester Yunayted» hujumchisi Krishtianu Ronaldu «Tottenhem»dagi qarshi o‘yindagi (2:0) qilgan ishi bo‘yicha bayonot berdi.

«Old Trafford»da kechgan bahsda zaxirada o‘tilgan portugaliyalik futbolchi uchrashuv yakunlanmasidan kiyinish xonasiga ravona bo‘lgan. «Manchester Yunayted» ustozi Erik ten Hag futbolchini jamoaviy mashg‘ulotlardan ma’lum muddatga chetlatgan va «Chelsi»ga qarshi o‘yin qaydnomasiga kiritmagan.

"Men o‘z kasbdoshlarim, raqiblarim va murabbiylarimga hurmat saqlagan holda yashash hamda o‘ynashga urinaman. Butun faoliyatim davomida shunga intilganman. Bu o‘zgargani yo‘q. Xuddi so‘nggi 20 yillikda bo‘lgani kabi hamon professionalman va qaror qabul qilishimda hurmat doim muhim rolni bajargan.

Juda yosh vaqtimda futbol o‘ynashni boshlaganman, kattalar va tajribali o‘yinchilar har doim menga namuna bo‘lgan. Shu bois keyinchalik o‘zim ham yosh jamoadoshlarimga o‘rnak bo‘lishga intilganman. Afsuski, bu har doim ham amalga oshmaydi va ba’zan jo‘shqin ehtiroslar bizni yengib qo‘yadi.

Ayni vaqtda Karringtonda yanada ter to‘kib ishlashim, jamoadoshlarimni qo‘llab-quvvatlab, istalgan o‘yinga tayyor bo‘lishim kerakligini his qilyapman. Bosimga berilish — yechim emas. Bu hech qachon yechim bo‘lmagan. Bu «Manchester Yunayted» va biz tura olishimiz kerak. Yaqinda yana birga bo‘lamiz", — deya ma’lumot tarqatdi Ronaldu.