«Манчестер Юнайтед» ҳужумчиси Криштиану Роналду «Тоттенҳэм»даги қарши ўйиндаги (2:0) қилган иши бўйича баёнот берди.

«Олд Траффорд»да кечган баҳсда захирада ўтилган португалиялик футболчи учрашув якунланмасидан кийиниш хонасига равона бўлган. «Манчестер Юнайтед» устози Эрик тен Ҳаг футболчини жамоавий машғулотлардан маълум муддатга четлатган ва «Челси»га қарши ўйин қайдномасига киритмаган.

"Мен ўз касбдошларим, рақибларим ва мураббийларимга ҳурмат сақлаган ҳолда яшаш ҳамда ўйнашга уринаман. Бутун фаолиятим давомида шунга интилганман. Бу ўзгаргани йўқ. Худди сўнгги 20 йилликда бўлгани каби ҳамон профессионалман ва қарор қабул қилишимда ҳурмат доим муҳим ролни бажарган.

Жуда ёш вақтимда футбол ўйнашни бошлаганман, катталар ва тажрибали ўйинчилар ҳар доим менга намуна бўлган. Шу боис кейинчалик ўзим ҳам ёш жамоадошларимга ўрнак бўлишга интилганман. Афсуски, бу ҳар доим ҳам амалга ошмайди ва баъзан жўшқин эҳтирослар бизни енгиб қўяди.

Айни вақтда Каррингтонда янада тер тўкиб ишлашим, жамоадошларимни қўллаб-қувватлаб, исталган ўйинга тайёр бўлишим кераклигини ҳис қиляпман. Босимга берилиш — ечим эмас. Бу ҳеч қачон ечим бўлмаган. Бу «Манчестер Юнайтед» ва биз тура олишимиз керак. Яқинда яна бирга бўламиз", — дея маълумот тарқатди Роналду.