Angliya chempionatining o‘n uchinchi turidan o‘rin olgan uchrashuvda “Lids” o‘z maydonida “Fulxem”ni qabul qildi va dramatik kechgan bahsda 2:3 hisobida imkoniyatni boy berdi. O‘yin haqida "Fulxem" ustozi Marko Silva o‘z fikrlarini aytdi.
"Ajoyib g‘alaba. Biz maydonning eng yaxshi jamoasi edik. Futbolchilar qat’iy reja asosida harakat qilishdi, buning uchun ularga rahmat aytishim kerak. Biz o‘yinni o‘tkazib yuborilgan gol bilan boshladik, ammo qaytdik va g‘alaba qozondik – bu futbolchilar uchun aql bovar qilmaydigan yutuq", deya Silva so‘zlarini keltiradi BBC Sport.
APLning navbatdagi turida "Fulxem" o‘z maydonida "Everton"ni qabul qiladi, bu o‘yin 29 oktyabr kuni bo‘lib o‘tadi.
