Англия чемпионатининг ўн учинчи туридан ўрин олган учрашувда “Лидс” ўз майдонида “Фулхэм”ни қабул қилди ва драматик кечган баҳсда 2:3 ҳисобида имкониятни бой берди. Ўйин ҳақида "Фулхэм" устози Марко Силва ўз фикрларини айтди.
"Ажойиб ғалаба. Биз майдоннинг энг яхши жамоаси эдик. Футболчилар қатъий режа асосида ҳаракат қилишди, бунинг учун уларга раҳмат айтишим керак. Биз ўйинни ўтказиб юборилган гол билан бошладик, аммо қайтдик ва ғалаба қозондик – бу футболчилар учун ақл бовар қилмайдиган ютуқ", дея Силва сўзларини келтиради BBC Sport.
АПЛнинг навбатдаги турида "Фулхэм" ўз майдонида "Эвертон"ни қабул қилади, бу ўйин 29 октябрь куни бўлиб ўтади.
