"Napoli" bosh murabbiyi Luchano Spaletti A Seriyada "Roma" ustidan qozonilgan g‘alaba (1:0) haqida o‘z fikrlari bilan o‘rtoqlashdi.
Neapolliklar barcha turnirlarda qatorasiga 11-o‘yinda g‘alaba qozonib, Italiya chempionati turnir jadvalidagi peshqadamligini mustahkamladi.
"Men Mourinoning "Napoli"ning noqonuniy g‘alabasi haqidagi so‘zlariga izoh bermoqchi emasman, o‘z taassurotlarim haqida gapirmoqchiman. Bu qiyin o‘yin bo‘ldi, jamoam xatolarga yo‘l qo‘ydi, ammo qiyinchiliklarga dosh bera oldi. Biz ikki-uchta qulay vaziyatlar yaratdik va “Roma”ga o‘zining asosiy xislatlari – himoyalanish va qarshi hujumga o‘tish qobiliyatini ko‘rsatishga imkon bermadik.
Tashqaridan qaraganda, “Napoli” o‘ziga o‘xshamagandek tuyulishi mumkin, ammo o‘yinimizda qandaydir reja bor edi. Biz G‘alaba qozona oldik va bu ham bizning kuchimiz qanday ekanligini anglatadi”, - dedi Spalletti DAZN nashriga bergan intervyusida.
