"Monsa" prezidenti Adriano Galliani klub A Seriyaning 12-turidan o‘rin olgan "Bolonya"ga qarshi o‘yinni boshqa muddatga ko‘chirishni so‘raganini aytdi.

"Monsa" Pablo Mari bilan bo‘lgan vaziyatdan hayratda, biz "Bolonya" bilan o‘yinni kechiktirishni so‘radik. Liga bu so‘rovga ijobiy munosabatda bo‘ldi, keyinroq rasmiy ma’lumot berilishi kutilmoqda", - deya Galliani so‘zlaridan iqtibos keltiradi Calciomercato.

29 yoshli ispaniyalik himoyachi Pablo Mari Milan chekkasidagi savdo markazida uyushtirilgan hujum paytida pichoqlangan. Futbolchidan tashqari yana besh kishi jarohat olgan.

Xabar qilinishicha, Mari muvaffaqiyatli operasiya qilingan va hozir uning hayotiga hech narsa tahdid solmayapti.