"Монца" президенти Адриано Галлиани клуб А Сериянинг 12-туридан ўрин олган "Болонья"га қарши ўйинни бошқа муддатга кўчиришни сўраганини айтди.
"Монца" Пабло Мари билан бўлган вазиятдан ҳайратда, биз "Болонья" билан ўйинни кечиктиришни сўрадик. Лига бу сўровга ижобий муносабатда бўлди, кейинроқ расмий маълумот берилиши кутилмоқда", - дея Галлиани сўзларидан иқтибос келтиради Calciomercato.
29 ёшли испаниялик ҳимоячи Пабло Мари Милан чеккасидаги савдо марказида уюштирилган ҳужум пайтида пичоқланган. Футболчидан ташқари яна беш киши жароҳат олган.
Хабар қилинишича, Мари муваффақиятли операция қилинган ва ҳозир унинг ҳаётига ҳеч нарса таҳдид солмаяпти.