Rossiyalik murabbiy Valeriy Nepomnyashchiy O‘zbekiston va Rossiya terma jamoalari o‘rtasida o‘tkaziladigan o‘rtoqlik uchrashuvi borasida o‘z fikrlarini bildirib o‘tdi.

"Ochig‘ini aytsam, O‘zbekistonga qarshi o‘yindan hech narsa kutmayapman. Jamoamizning asosiy maqsadi — yangi futbolchilar bilan tanishish, ular jamoada o‘zini qanday his etishini ko‘rib olish. Xullas, yangilar bilan ishni yo‘lga qo‘yish. Murabbiylar esa futbolchilar o‘z oldiga qo‘yilgan talabni qanday qabul qilishini, ular terma jamoada qanday ko‘rsata olishini bilib olish muhim ahamiyatga ega. O‘yin sifati esa ikkinchi planda bo‘ladi", — dedi Nepomnyashchiy.