Myonxengladbaxning "Borussiya" klubi hujumchisi Markus Tyuram Angliya Premyer-ligasining bir qancha klublarining e’tiborida bo‘lib turibdi. 90min xabariga ko‘ra, o‘yinchiga "Arsenal" va "Liverpul" da’vogarlik qilmoqda, ular qishdayoq futbolchini sotib olishga harakat qilishlari mumkin.

Bu qiziqishning asosiy sababi Tyuramning “Borussiya” bilan shartnomasi 2023 yilning iyunida yakuniga yetishi. Shu munosabat bilan klublar futbolchini arzonlashtirilgan narxda qo‘lga kiritish niyatida. Biroq fransuz futbolchisiga ingliz grandlaridan tashqari “Bavariya” ham qiziqmoqda.

Germaniya Bundesligasining joriy mavsumida Tyuram Myonxengladbax klubi safida 15 ta o‘yin o‘tkazdi. 25 yoshli hujumchi hisobida 10 ta gol va 3 ta golli uzatma bor. Futbolchi Fransiya terma jamoasining Qatarda bo‘lib o‘tadigan jahon chempionati uchun so‘nggi qaydnomasiga kiritildi.