Мёнхенгладбахнинг "Боруссия" клуби ҳужумчиси Маркус Тюрам Англия Премьер-лигасининг бир қанча клубларининг эътиборида бўлиб турибди. 90min хабарига кўра, ўйинчига "Арсенал" ва "Ливерпуль" даъвогарлик қилмоқда, улар қишдаёқ футболчини сотиб олишга ҳаракат қилишлари мумкин.
Бу қизиқишнинг асосий сабаби Тюрамнинг “Боруссия” билан шартномаси 2023 йилнинг июнида якунига етиши. Шу муносабат билан клублар футболчини арзонлаштирилган нархда қўлга киритиш ниятида. Бироқ француз футболчисига инглиз грандларидан ташқари “Бавария” ҳам қизиқмоқда.
Германия Бундеслигасининг жорий мавсумида Тюрам Мёнхенгладбах клуби сафида 15 та ўйин ўтказди. 25 ёшли ҳужумчи ҳисобида 10 та гол ва 3 та голли узатма бор. Футболчи Франция терма жамоасининг Қатарда бўлиб ўтадиган жаҳон чемпионати учун сўнгги қайдномасига киритилди.
