"Arsenal" hujumchi Gabriel Martinelli bilan shartnomani uzaytirish borasida muzokaralar olib bormoqda, deya xabar beradi insayder Fabrisio Romano.
London klubi 21 yoshli braziliyalik futbolchiga 2026 yilgacha mo‘ljallangan shartnoma taklif qilmoqda.
Martinellining londonliklar bilan amaldagi shartnomasi 2024 yilning yoziga qadar tuzilgan. Transfermarkt portali futbolchining narxini 60 million yevroga baholamoqda.
Hujumchi joriy mavsumda 17 ta o‘yinda maydonga tushib, 5 ta gol va 2 ta golli uzatmaga mualliflik qilgan.
Eslatib o‘tamiz, Martinelli Braziliya terma jamoasining Qatarda bo‘lib o‘tadigan JCH-2022 uchun qaydnomasiga kiritilgan.
