"Арсенал" ҳужумчи Габриэл Мартинелли билан шартномани узайтириш борасида музокаралар олиб бормоқда, дея хабар беради инсайдер Фабрицио Романо.
Лондон клуби 21 ёшли бразилиялик футболчига 2026 йилгача мўлжалланган шартнома таклиф қилмоқда.
Мартинеллининг лондонликлар билан амалдаги шартномаси 2024 йилнинг ёзига қадар тузилган. Transfermarkt портали футболчининг нархини 60 миллион еврога баҳоламоқда.
Ҳужумчи жорий мавсумда 17 та ўйинда майдонга тушиб, 5 та гол ва 2 та голли узатмага муаллифлик қилган.
Эслатиб ўтамиз, Мартинелли Бразилия терма жамоасининг Қатарда бўлиб ўтадиган ЖЧ-2022 учун қайдномасига киритилган.
