"Manchester Yunayted" himoyachisi Lyuk Shou Angliya terma jamoasi yosh futbolchilaridan qaysi biri uni ko‘proq hayratda qoldirgani haqidagi savolga javob berdi.
“Jud Bellingem meni eng ko‘p hayratda qoldirdi. Hozir u hali yosh, lekin uning iste’dodi aql bovar qilmaydi. U hamma narsani qila oladi: to‘pni olib yurish, to‘pni uzatish, tajovuzkor o‘ynash.
16 yoshida ham u ajoyib ko‘rinardi. Bu yigit juda yaxshi. Unda doim iste’dod bor edi, endi u tajriba va kuch to‘plamoqda. Uning qadamlari uni to‘g‘ri yo‘lga olib boradi”, dedi Shou.
Jud Bellingem 2020 yildan buyon Dortmundning “Borussiya”sida to‘p suradi. Joriy mavsumda u barcha turnirlarda 22 ta o‘yin o‘tkazib, 9 ta gol urdi va 3 ta golli uzatmani amalga oshirdi.
